النظام بالتفصيل
ده اللي بيعمله Ordexa في مطعمك
كل قسم هنا موجود وشغّال في النظام — مش خطة ولا وعد. والبيانات بتتنقل بينهم من غير إدخال مرتين.
01
الكاشير والبيع
الشاشة اللي بتشتغل عليها ساعات الزحمة — مبنية للّمس والسرعة.
- لمسة واحدة تضيف الصنف بخياره الافتراضي، ولمسة مطوّلة تفتح الإضافات.
- صالة وتيك أواي وتوصيل، وطاولات بحساب مفتوح وتقسيم فاتورة.
- دفع نقدي وبطاقة ومحفظة، وحساب الباقي بخط كبير عشان ميحصلش غلط.
- تعليق الطلب واسترجاعه، واختصارات كيبورد للتأكيد والبحث والإلغاء.
- يشتغل بدون إنترنت ويرفع لوحده، وتسليم الوردية بين كاشيرين بمحضر واضح.
02
المطبخ والتحضير
الطلب بيوصل مكانه صح، والحالة واضحة لكل الناس.
- شاشة مطبخ بتنبيه صوتي لكل طلب جديد.
- محطات تحضير: الجريل يطبع أصنافه والمشروبات تطبع أصنافها.
- وقت التحضير بيبان، والمتأخر بيتلوّن عشان ميعدّيش.
- ما فيش ورقة تضيع: أي طابعة تقف، الشاشة فاضلة شغّالة.
03
الزبون والطلب الأونلاين
منيو ومتابعة وتقييم — من غير تطبيق يحمّله الزبون.
- منيو QR بالعربي والإنجليزي بصور وأسعار محدّثة لحظيًا.
- طلب أونلاين بيدخل على شاشة الطلبات بتنبيه صوتي.
- صفحة تتبّع للزبون بلينك خاص: طلبك اتأكد… بيتجهّز… في الطريق.
- تقييم بعد الاستلام بيوصلك بالطلب نفسه.
- نقاط ولاء بتتجمع وتتصرف على الفاتورة، ومربوطة بملف الزبون.
04
المخزون والتكلفة
الجزء اللي بيحدد إنت بتكسب ولا لأ.
- وصفة لكل صنف: 100 جم كبدة + رغيف — بتتخصم آليًا مع كل بيعة.
- نسبة هالك لكل مكوّن (تقشير/تقطيع) عشان الجرد ميطلعش عجز كاذب.
- تكلفة الطبق بتتحسب من متوسط أسعار الشراء وبتتحدّث مع كل فاتورة توريد.
- فواتير الموردين والمدفوع والمتبقّي، وتنبيه للأصناف اللي قرّبت تخلص.
- جرد بيقارن الفعلي بالمتوقع، وتسجيل هالك بسبب واضح.
05
الفلوس والتقارير
أرقام تقدر تاخد عليها قرار، مش جداول تحتاج محاسب يفسّرها.
- ملخص اليوم: مبيعات، تكلفة، مصروفات، صافي ربح.
- أكتر الأصناف مبيعًا وأعلى الأصناف تكلفة، ومقارنة الأيام والساعات.
- شيفتات بفتح وتقفيل وعهدة درج — وفرق الدرج بيبان بالجنيه.
- مصروفات يومية وتسويات طيارين وسلف ومرتبات.
- كل رقم ليه مصدر تقدر تفتحه: مفيش رقم من غير حركة تفسّره.
06
الموظفون والصلاحيات
كل واحد يشوف شغله بس — والباقي محجوب فعليًا مش مخفي.
- أدوار جاهزة: كاشير، مطبخ، مدير، مالك — وتقدر تعدّلها.
- حضور وانصراف ومرتبات وسلف وبونص مربوطين بالمبيعات.
- سجل تدقيق لكل إلغاء وخصم وتغيير سعر: مين ومتى وليه.
- صلاحية بتتسحب فورًا من الجهاز، ومفيش بيانات مالية بتتمسح.
07
التشغيل والأجهزة
يشتغل على اللي عندك، وميحتاجش سيرفر في المحل.
- تطبيق ويندوز بتحديث تلقائي، أو من المتصفح على أي جهاز.
- طابعات حرارية للفاتورة ولكل محطة مطبخ.
- تعدد فروع، وكل فرع ببياناته وأجهزته وموظفيه.
- بياناتك على سيرفرات جوجل بنسخ احتياطي — مش على جهاز ممكن يضيع.
مناسب لمين؟
مطاعم
صالة وطاولات ومطبخ بمحطات وتوصيل — كله في نظام واحد.
كافيهات
بيع سريع بإضافات ومشروبات، وتكلفة كوب محسوبة من مخزنك.
تيك أواي ودليفري
طلبات أونلاين وتتبّع للزبون وتسويات للطيارين.
سلاسل فروع
كل فرع لوحده، والإدارة شايفة الكل ومقارنة بينهم.